Дар доираи нақшаи чорабиниҳои раёсати корҳои тарбиявии донишгоҳ санаи 11.10.2025 дар хобгоҳи донишҷӯёни Донишгоҳи давлатии тиҷорати Тоҷикистон маҳфили доимамалкунандаи “Кадбону” бо иштироки донишҷӯдухтарон баргузор гардид.

Дар маҳфил Ҷамила Ғафурова – роҳбари бахши фарҳанг ва кор бо донишҷӯдухтарон ва муаллимони факултети иқтисодиёт ва тиҷорат Фозилова Зебо ва Шарипова Рухшона ба донишҷӯдухтарон тарзи омода намудани хӯроки миллӣ - мантуро омӯзониданд.

Сипас, масъулин ва донишҷӯдухтарони хобгоҳ сари дастархони густурдашуда, перомуни маъно ва муҳтавои Қонуни Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” андешаронӣ намуданд.