Санаи 10-уми октябри соли 2025 бо иштироки фаъолзанон ва донишҷӯдухтарон дар хобгоҳи Донишгоҳи давлатии тиҷорати Тоҷикистон мулоқот ороста шуд.

Дар чорабинӣ Ҷамила Ғафурова, роҳбари бахши фарҳанг ва кор бо донишҷӯдухтарони донишгоҳ cуханронӣ намуда, ҷиҳати дарк кардани нақши бузурги иҷтимоиву иқтисодии Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон», қабл аз ҳама бобати вазъи татбиқёбии анъана ва ҷашну маросимҳои сершумори милливу динии мардуми тоҷикро дар солҳои охири замони шӯравӣ ва то давраи қабули шудани ин қонун - замони истиқлолият таъкид намуд.

Сипас, муаллими калони кафедраи фанҳои гуманитарӣ Раҷабгул Зарифова дар баромади хеш қайд намуд, ки қонуни мазкур дар баробари ҳадафҳои иқтисодӣ, барои баланд бардоштани фарҳанги баргузор намудани маъракаҳои мардумӣ ва риояи талаботи қонунгузории кишвар низ мусоидат карда, дар ҳалли мушкилии иҷтимоии ҳазорҳо шаҳрвандон, аз ҷумла ҷавонон нақши мусбат гузошта истодааст.

Дар идомаи чорабинӣ донишҷӯдухтарони хобгоҳ дар маҳфили навбатии “Кадбону” мантупазӣ намуданд.