Шӯрои олимон

Дар Донишгоҳи давлатии тиҷорати Тоҷикистон Шӯрои олимон ҳамчун мақоми олии идоракунандаи донишгоҳ дар назди ректор таъсис дода шуда, мақсади он аз таҳлилу баррасии масъалаҳои марбут ба фаъолияти таълимию тарбиявӣ, илмию методӣ ва молиявию хоҷагидорӣ иборат мебошад.

Вазифаи асосии Шӯрои олимони донишгоҳ дар амал татбиқ намудани сиёсати маорифпарварона ва дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, қарору фармоишҳои Ҳукумати Ҷумҳурии Тоҷикистон, қонунҳои Ҷумҳурии Тоҷикистон “Дар бораи маориф”, “Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ”, “Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон”, супоришу фармоишҳои Раёсати Иттифоқи Тоҷикматлубот ва Вазорати маориф ва илми Ҷумҳурии Тоҷикистон, Ойинномаи Донишгоҳи давлатии тиҷорати Тоҷикистон ва дигар санадҳои меъёрии ҳуқуқии соҳаи маориф мебошад.

Шӯрои олимон вазифаҳои зеринро иҷро менамояд:

– татбиқи амалии дастуру супоришҳои Президенти кишвар, қарорҳои Ҳукумати Ҷумҳурии Тоҷикистон ҷиҳати тайёр намудани мутахассисони дар бозори меҳнат рақобатпазир;

– муттаҳид намудан ва самаранок истифода бурдани нерӯи илмӣ, таълимӣ ва методии ҳайати профессорону омӯзгорон ва кормандони донишгоҳ;

– дар амал татбиқ намудани Қонуни Ҷумҳурии Тоҷикистон “Дар бораи маориф”, Қонуни Ҷумҳурии Тоҷикистон “Дар бораи таҳсилоти олии касбии баъд аз муассисаи олии таълимӣ”, “Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон”, низомномаи мазкур ва дигар асноди меъёриву ҳуқуқии соҳаи маорифи Ҷумҳурии Тоҷикистон, Вазорати маориф ва илми Ҷумҳурии Тоҷикистон, вазорату идораҳои соҳавӣ ва мақомоти болоӣ ҷиҳати таъмини тайёр намудани мутахассисони баландихтисос барои амтҳои мухталифи иқтисодиёт;

– мусоидат намудан ҷиҳати тайёр кардани кадрҳои илмию омӯзгорӣ, амалигардонӣ ва рушди минбаъдаи тадқиқоти илмӣ, инкишофи корҳои таълимию тарбиявӣ дар байни донишҷӯён;

– барои фаъолияти пурсамари Шӯрои олимон аз ҳисоби аъзоёни Шӯро комиссияҳо ва гурӯҳҳои корӣ таъсис дода мешавад;

– баррасӣ ва муҳокимаи ҳисоботҳо оид ба фаъолияти сохторҳои таркибии донишгоҳ;

– назорат аз болои иҷрои қарорҳои қабулшуда.

Шӯрои олимони донишгоҳ дар ҳайати ректор (раиси шӯро), муовинони ректор, деканҳои факултетҳо ва роҳбарони воҳидҳои сохторӣ ва кормандони намоёни илмию омӯзгорӣ ташкил карда шудааст. Ҳайати Шӯрои олимонро ректори донишгоҳ тибқи фармоиш ба муҳлати се сол тасдиқ намудааст, ки аз 29 нафар иборат мебошад.

Ба доираи фаъолияти Шӯрои олимон назорати сифати таълиму тарбия, таъмини раванди таълим бо барномаҳои таълимӣ, китобҳои дарсӣ, маводи методӣ, тартибу низоми ҳуҷҷатгузорӣ дар кафедраҳо ва дигар воҳидҳои сохторӣ, инчунин, омадагӣ ба санҷишҳои фосилавӣ ва имтиҳонҳои ҷамъбастӣ дохил мешаванд.

Дар ҷаласаҳои шӯро масъалаҳои муҳимму мубрам, ба мисли сифати корҳои таълимию методӣ, ҳолат ва сифати таҳияи барномаҳои таълимӣ, барномаҳои корӣ (силлабусҳо)¸ пурсишномаҳои тестӣ, сифати ташкил намудани қабули санҷишу имтиҳонҳо, ба роҳ мондани раванди таҷрибаомӯзӣ, сифати дарсҳо ва омодагии омӯзгорон ба дарс мавриди таҳлилу баррасии амиқ қарор мегиранд.

Шӯрои олимон фаъолияти воҳидҳои сохторӣ ва созмонҳои ҷамъиятии донишгоҳро низ назорат менамояд.

Роҳбарияти донишгоҳ иҷроиши қарорҳои Шӯрои олимонро дар Донишгоҳи давлатии тиҷорати Тоҷикистон ҳамеша таҳти назорат қарор медиҳад.

Нишонӣ

734061, Ҷумҳурии Тоҷикистон, ш. Душанбе, кӯч. Деҳоти 1/2, Донишгоҳи давлатии
тиҷорати Тоҷикистон

  • Телефон: +992(37) 234-83-46
    +992
    (37) 234-85-46
Top