Санаи 24-уми сентябри соли 2025 дар факултети молия ва қарзи Донишгоҳи давлатии тиҷорати Тоҷикистон дар доираи лоиҳаи “Circulec - таҳияи барномаҳо ва модулҳои инноватсионӣ оид ба иқтисодиёти даврӣ ва рушди устувор” аз ҷониби дотсенти кафедраи иқтисодиёт ва ташкили соҳибкорӣ Мухторзода Саидмухтори Саидаҳрор аз фанни “Моделҳои соҳибкории даврӣ ва устувор” дар мавзӯи “Намудҳои фаъолияти бизнес” бо донишҷӯёни курси 3-юми ихтисоси 250104 -молия ва қарз дарси кушоди намунавӣ гузаронида шуд.

Дарси кушод, ки бо рӯнамоӣ ва таҳлили маълумотҳои оморӣ дар сатҳи баланд доир гардид, барои ташаккули дониш, малака ва салоҳиятнокии донишҷӯён оид ба иқтисодиёти даврӣ ва рушди устувор мусоидат намуд.