Дар доираи лоиҳаи CIRCULEC вохӯрии гурӯҳи корӣ бо корфармоён баргузор гардид. Дар вохӯрӣ гурӯҳи кории лоиҳа таҳти роҳбарии ректори донишгоҳ, профессор Назарзода Х.Х., инчунин намояндагони ширкатҳо ва ташкилотҳои ҳамкор иштирок карданд:

• Қазоқов Ҷ. Ш. – директори ҶДММ «Сомониён-2012» (ширкати тиҷоратӣ ва сохтмонӣ),

• Ғафаров Қ. А. – мушовири Департаменти HR-и холдинги AG Management («Амирӣ», «Ватан», «Афзалиятгрупп», «Озода косметик»),

• Абдуҳалимов Ҷ. А. – сармуҳосиби ҶДММ «Салмон» (ширкати тиҷоратӣ),

• Халимов П. А. – сармуҳосиби Институти ҷамъиятии муҳосибон ва аудиторони касбии Ҷумҳурии Тоҷикистон (ИҶМАК ҶТ),

• Бобишоев М. Н. – сармуҳосиби Шуъбаи маорифи Мақомоти иҷроияи ҳокимияти давлатии ноҳияи Синои шаҳри Душанбе.

 Вохӯрии корӣ қадами муҳим дар таҳкими ҳамкории донишгоҳ бо корфармоён гардид, ки ба тайёр кардани мутахассисони баландихтисоси насли нав равона шудааст. Иштирокчиён дар бораи малакаҳои асосие, ки мутахассисони оянда дар соҳаи иқтисодиёти даврӣ бояд дошта бошанд, мубодилаи афкор намуданд. Корфармоён зарурати таълими амалӣ ва ба талаботи бозори меҳнат мутобиқ намудани барномаҳои таълимиро таъкид карданд.

 Вохӯрӣ дар фазои созанда баргузор гардид ва як қадами дигар дар роҳи таҳкими ҳамкории донишгоҳ бо ҷомеаи соҳибкорӣ барои пешбурди ғояҳои рушди устувор дар Тоҷикистон гардид.