29-30 августи соли 2024 дар Душанбе, дар Донишгоҳи давлатии тиҷорати Тоҷикистон, бомуваффақият аввалин Форум оид ба арбитражи байналмилалии тиҷоратӣ баргузор гардид. Дар ин чорабинӣ коршиносони пешбари арбитраж, омӯзгорон ва мутахассисони соҳа аз кишварҳои гуногун иштирок намуданд.

Дар доираи форум масъалаҳои калидии арбитраж ва ҳамкории байналмилалӣ баррасӣ гардида, қадамҳои мушаххас барои рушди низоми ҳуқуқии арбитраж дар минтақа пешниҳод шуданд. Иштирокчиён аҳамияти тақвияти робитаҳои байналмилалӣ ва мубодилаи таҷрибаҳоро таъкид карданд.

Форум барои иштирокчиён имконияти нодир барои амиқтар намудани донишҳо, мубодилаи таҷрибаҳо ва таъсиси муносибатҳои нави шарикӣ фароҳам овард. Ташкилкунандагон ба ҳамаи иштирокчиён барои иштироки фаъол ва муҳокимаҳои судманд изҳори сипос намуда, ният доранд, ки дар оянда низ чунин чорабиниҳоро баргузор намоянд, то ки фарҳанги ҳуқуқӣ дар Тоҷикистон ва минтақа минбаъд низ рушд ёбад.