Сарвазири мамлакат Қоҳир Расулзода бо муовини Раиси Ҳукумати Федератсияи Русия Марат Хуснуллин мулоқот намуд

Бинанда: 457 | Санаи нашр: 20 Июн 2023

ДУШАНБЕ, 20.06.2023 /АМИТ «Ховар»/. Имрӯз, 20 июн Сарвазири Ҷумҳурии Тоҷикистон Қоҳир Расулзода бо муовини Раиси Ҳукумати Федератсияи Русия Марат Хуснуллин мулоқот намуд, хабар медиҳад АМИТ «Ховар».

Дар мулоқот масъалаҳо вобаста ба вазъи кунунӣ ва дурнамои ҳамкории гуногунҷанбаи байниҳукуматии Тоҷикистон ва Русия мавриди баррасӣ қарор дода шуданд.

Мусоҳибон бо қаноатмандӣ таъкид намуданд, ки муносибатҳои дӯстона ва шарикии стратегӣ ду давлат дар ҳама самтҳо ба марҳилаи сифатан нав ворид шуда, пайваста рушду тавсеа меёбанд.

Нақши меҳвари сарони ду давлат дар рушди ҳамкории Тоҷикистон ва Русия махсус таъкид гардид.

Дар идомаи мулоқот ҷонибҳо ҳолат ва дурнамои ҳамкории байниҳукуматӣ дар соҳаҳои иқтисоду тиҷорат, сармоягузорӣ, саноат, энергетика, тандурустӣ, маориф, нақлиёт, сайёҳӣ, кишоварзӣ ва фарҳангу иҷтимоиро баррасӣ намуданд.

Сарвазири мамлакат Қоҳир Расулзода иброз дошт, ки тавсеаи ҳамкории гуногунҷанба бо Федератсияи Русия дар сиёсати хориҷии Тоҷикистон нақши назаррас дорад.

Зимни мулоқот масъалаҳои таҳкими минбаъдаи муносибатҳои дуҷониба ва шарикии стратегӣ, ҳамчунин дурнамои густариши ҳамкории амалӣ мавриди муҳокима қарор гирифт.

Аснои вохӯрӣ ҷонибҳо атрофи масъалаҳои дигари муносибатҳои байниҳукуматӣ мубодилаи афкор намуданд.

Нишонӣ

734061, Ҷумҳурии Тоҷикистон, ш. Душанбе, кӯч. Деҳоти 1/2, Донишгоҳи давлатии
тиҷорати Тоҷикистон

  • Телефон: +992(37) 234-83-46
    +992
    (37) 234-85-46
Top