Ба диққати донишҷӯёни Донишгоҳи давлатии тиҷорати Тоҷикистон расонида мешавад, ки Муассисаи давлатии «Маркази барномаҳои байналмилалӣ» қабули ҳуҷҷатҳоро барои иштирок дар озмун ҷиҳати таҳсил дар зинаи магистратура дар донишгоҳҳои хориҷӣ тибқи Стипендияи байналмилалии Президенти Ҷумҳурии Тоҷикистон «Дурахшандагон» барои соли таҳсили 2026–2027 эълон менамояд.

 Аз ҳамаи донишҷӯёни хоҳишманд даъват ба амал оварда мешавад, ки ҷиҳати иштирок дар озмуни мазкур ҳуҷҷатҳои заруриро дар муҳлати муқарраршуда то 4 майи соли 2026 ба шуъбаи робитаҳои байналмилалӣ пешниҳод намоянд.