ҲАМКАСБОНИ МУҲТАРАМ ВА МУҲАҚҚИҚОНИ ҶАВОНИ ДДТТ!

Бо хушнуди ба Шумо хабари муҳимро мерасонем: Донишгоҳи давлатии тиҷорати Тоҷикистон ба консорсиуми лоиҳаи байналмилалии MSCA-DN SOCIAL пайвастааст, ки имкониятҳои донишгоҳро дар самти ҳамкории байналмилалии академӣ ва табодули илмӣ густариш медиҳад.

Эълон карда мешавад, ки қабул ба 17 ҷойи пурра маблағгузоришавандаи зинаи PhD дар доираи лоиҳаи «SOCIAL – Сотсиологияи ҳуқуқи авторитарӣ: назаре аз Осиёи Марказӣ», ки тибқи барномаи Horizon Europe – MSCA Doctoral Networks амалӣ мегардад, оғоз ёфт.

Лоиҳаи SOCIAL-DN гурӯҳи байналмилалии 17 докторантро ташаккул медиҳад, ки социологияи ҳуқуқи авторитариро бо тамаркуз ба робитаи ҳуқуқ, ҷомеа ва идоракунӣ дар кишварҳои Осиёи Марказӣ меомӯзанд. Барнома омӯзиши назариявӣ ва амалӣ, тадқиқоти байнисоҳаӣ ва фаъолияти фаъоли илмӣ-таҳлилӣро дар бар мегирад.

Ҳар як докторант дар яке аз 14 муассисаи шарикӣ пазируфта мешавад ва имкониятҳои зеринро дарёфт хоҳад кард:

• роҳбарии муштараки илмӣ;
• таҷрибаомӯзии байнисоҳавӣ;
• табодули академии сохторбандӣ;
• тадқиқоти саҳроӣ ва таҷрибаомӯзии илмӣ дар кишварҳои Осиёи Марказӣ.

Маълумоти асосӣ оид ба барнома:

Оғози барнома: сентябри соли 2026

Давомнокӣ: 48 моҳ

Рӯзи анҷоми қабули аризаҳо: 31 январи соли 2026

Маблағгузорӣ: Horizon Europe – MSCA Doctoral Networks

Маълумоти бештар ва таҳвили ариза: SOCIAL

Барои маълумоти иловагӣ метавонед ба шуъбаи ҳамкориҳои байналмилалӣ, татбиқи лоиҳаҳо ва табодули академӣ ва  профессори кафедраи иқтисодиёт ва ташкили соҳибкорӣ Қодирова З.Х. муроҷиат намоед.