3-4 октябри соли 2024 дар Донишгоҳи Гент ва Маркази дастгирии таҳсилоти олии фарогир (SIHO) дар шаҳри Генти Белгия сафари омӯзишии коршиносони ислоҳоти таҳсилоти олӣ (HERE) баргузор гардид. Таваҷҷӯҳи асосӣ ба "Фаромиллӣ намудани  таҳсилоти олӣ: аз ниятҳои нек то натиҷаҳои ченшаванда" нигаронида шуда буд. Дар ин чорабинӣ муовини ректор оид ба илм ва робитаҳои байналмилалии Донишгоҳи давлатии тиҷорати Тоҷикистон Машоқиров Ҷамшед иштирок намуда, стратегияҳои муассир барои рушди фарогир дар таҳсилоти олиро мавриди омӯзиш қарор дод..

Иштирокчиён стратегияҳои институтсионалии Донишгоҳи Гент ва Донишгоҳи илмҳои амалии Артевелдеро барои баланд бардоштани фарогирӣ дар ҳамкории байналмилалии академӣ баррасӣ карданд. Тавассути мубоҳисаҳои пурмазмун бо ҳайати омӯзгорон, донишҷӯён ва ҷонибҳои асосии манфиатдор, ҳозирин, аз ҷумла Машокиров Ҷамшед дар бораи мушкилот ва муваффақиятҳои таҳсилоти фарогир таҷрибаи амалӣ пайдо намуданд.

Нақши Маркази таҳсилоти олии фарогир (SIHO) махсусан таъкид карда шуд, ки барои муассисаҳое, ки мехоҳанд дастрасӣ ва фарогириро дар таҳсилоти олӣ беҳтар созанд, дастгирии арзишманд пешкаш бояд намоянд. Иштирокчиён омӯхтанд, ки чӣ тавр SIHO ба донишгоҳҳо дар таҳияи сиёсатҳое, ки ба эҳтиёҷоти гуногуни донишҷӯён мутобиқ карда шудаанд, кӯмак мекунад ва ба пешбурди баробарӣ дар соҳаи таҳсилот мусоидат мекунад.

Илова бар ин, сафар фаҳмиши амиқеро фароҳам овард, ки чӣ тавр низоми таҳсилоти олии Фландрия масъалаи байналмилалии фарогирро ҳаллу фасл мекунад. Фландрия дар пешбурди таҳсилоти фарогир ҳамчун муассисаи таҳсилоти олии пешсаф эътироф шуда, ҳамкории зичро бо муассисаҳои таҳсилоти олӣ дар саросари Аврупо ва берун аз он барои татбиқи принсипҳои лоиҳаи Inclusive Higher Education.eu, ки фарогирии иҷтимоӣ ва густариши ҳамкориҳои байналмилалиро тақвият медиҳад, ба роҳ мондааст.

Ин сафари омӯзишӣ ба иштирокчиён, аз ҷумла намояндаи Тоҷикистон, бо дониш ва мисолҳои амалие, ки ба онҳо дар муҳити фарогир ва ҳамкории байналмилалии академӣ саҳм мегузоранд, такон бахшид.

Шуъбаи ҳамкориҳои байналмилалӣ,

татбиқи лоиҳаҳо ва табодули академӣ