Нахуст ректори донишгоҳ, доктори илмҳои иқтисодӣ, профессор Қурбонзода Маҳмадалӣ Раҳмат ба 11 нафар хатмкардагони зинаи бакалавриат ва магистратураи донишгоҳ дипломҳои аъло супорида, ба онҳо роҳи сафед ва дар фаъолияти минбаъдаашон баҳри пешрафт ва рушду нумӯи Ватани маҳбубамон барору комёбиҳо орзу намуд.

Сипас аз ҷониби ректори донишгоҳ ба ғолибони даври ноҳиявии озмунҳои ҷумҳуриявии “Илм фурӯғи маърифат” ва “Фурӯғи субҳи доноӣ китоб аст” дар вазъияти тантанавӣ диплому ифтихорномаҳо супорида, изҳори умед карда шуд, ки намояндагони донишгоҳ дар даврҳои минбаъдаи озмунҳои зикргардида низ ба дастовардҳои арзанда ноил мегарданд.

Ҳамчунин ба декани факултети менеҷмент ва ҳуқуқи тиҷоратӣ Некрӯз Қудратов дипломи доктори илмҳои ҳуқуқ супорида шуд.