Санаи 30.05.2022 дар шаҳри Карағандаи Ҷумҳурии Қазоқистон дар доираи лоиҳаи MIETC - «Таҳияи барномаи магистрӣ дар соҳаи менеҷменти соҳибкории саноатӣ барои кишварҳои иқтисодашон дар давраи гузариш» муаррифии барномаи магистрӣ баргузор гардид, ки дар он намояндагони донишгоҳҳои Тоҷикистон, Қазоқистон, Италия, Испания ва дигарон иштирок намуданд. Донишгоҳи давлатии тиҷорати Тоҷикистонро дар ин чорабинӣ профессори кафедраи иқтисодиёт ва ташкили соҳибкорӣ Қодирова Заррина Ҳалимовна, сардори Раёсати илм ва инноватсия дотсент, Ҳамитов Муҳитдин Сайдалиевич ва мудири шуъбаи мониторинг ва идораи сифати таълим дотсент Мараимов Баҳром Мирзоевич намояндагӣ намуданд. Профессор Қодирова Заррина Ҳалимовна дар вохӯрии мазкур, ҳамчун ҳамоҳангсози лоиҳа, баромад намуда, имкониятҳо ва иқтидори кадрии донишгоҳи давлатии тиҷорати Тоҷикистонро барои ҷорӣ намудани барномаи магистрии менеҷменти соҳибкории саноатӣ арзёбӣ намуда, қайд кард, ки донишгоҳ яке аз муассисаҳои таҳсилоти олии инноватсионии кишвар ба шумор рафта, барои тайёр намудани мутахассисони баландихтисос дар зинаи магистратура таҷрибаи ғанӣ дорад.