Имрӯз (01.04.2022) даври донишгоҳии озмуни ҷумҳуриявии “Илм – фурӯғи маърифат”  аз рӯи номинатсияи  математика байни донишҷӯёни фаъоли ҳамаи курсҳо баргузор гардид.

Озмунро сардори раёсати илм ва инноватсия Муҳитдин Ҳамитов ва сардори раёсати таълим Раҳмоналӣ Мирзоев ҳусни оғоз бахшида, иштирокчиёнро бо низомнома ва тартиби баргузории он шинос намуданд. Дар озмуни мазкур беш аз 60 нафар донишҷӯ тибқи талаботи муқарраргардида иштирок карданд.

Бояд қайд кард, ки даври донишгоҳии озмуни ҷумҳуриявии “Илм – фурӯғи маърифат”  аз рӯи дигар номинатсияҳо идома ёфта, ғолибон муайян карда мешаванд ва ба даври навбатӣ роҳ меёбанд.