Ҳайати намояндагони донишгоҳ дар шуъбаи таърихи бостон ва асрҳои миёна, ки яке аз шуъбаҳои калонтарин дар Осорхонаи миллии Тоҷикистон ба шумор рафта, дар он таърихи инсоният аз замони ҷомеаи ибтидоӣ то ибтидои асри ХХ бо маводи гуногуни арзишманд инъикос ёфтааст, сайри таърихӣ карданд.

Инчунин, онҳо дар толорҳои намоишии шуъбаи таърихи нав ва навтарин бо ёдгориҳо ва нигораҳо доир ба комёбиҳою дастовардҳои Ҷумҳурии Тоҷикистон дар давраҳои гуногун шинос шуданд.

Баъд аз тамошои ёдгориву нигораҳои Осорхонаи миллии кишвар ректори Донишгоҳи давлатии тиҷорати Тоҷикистон, доктори илмҳои иқтисодӣ, Қурбонзода Маҳмадалӣ Рахмат таассуроташро дар китоби хотироти муассисаи зикргардида қайд намуд.