Бо сухани ифтитоҳӣ семинари мазкурро сардори раёсати таълим Мирзоев Р.Р. ҳусни оғоз бахшида, қайд намуд, ки дар раванди ҷаҳонишавии раванди таълим ва рақамикунонии таҳсилот нақши консепсияи таълими донишҷӯмеҳвар хеле ҳам баланд мебошад. Консепсияи таълими донишҷӯмеҳвар мавқеи донишҷӯёнро дар раванди таълим ҳамчун иштирокчиён ва шарикони бевосита дар рушди таҳсилоти худ муайян менамояд.

Сипас, сардори раёсати илм ва инноватсия Ҳамитов М.С. мавзӯи семинарро баррасӣ карда, қайд намуд, ки зарурати низоми нави таҳсилот - ин омода намудани мутахассиси дорои тафаккури муосир, ки ба фаъолияти навоварӣ, худинкишофёбии мунтазам ва арзишҳои умумибашарӣ, ки ба ғояҳои инсондӯстӣ асос ёфтааст, нигаронидашуда мебошад.