Тоҷикӣ
Русский 
English (UK) 
Санаи 24 декабри соли 2021 дар толори Китобхонаи миллии Тоҷикистон Форуми III-юми илмии донишҷӯёни муассисаҳои таҳсилоти миёна ва олии касбии соҳаи сайёҳии мамлакат таҳти унвони “Имкониятҳои рушди сайёҳии Ҷумҳурии Тоҷикистон: ҳолат ва дурнамо” баргузор гардид.
Дар Форуми мазкур аз рӯи 4 номинатсия озмун эълон гардида буд. Донишҷӯёни Донишгоҳи давлатии тиҷорати Тоҷикистон ба озмуни мазкур аз рӯи 4 номинатсия 12 мақола ва 8 рӯнамо пешниҳод намуданд.
Дар ҷамъбасти Форум аз рӯи номинатсияи асосӣ - “Намоиши беҳтарини сайёҳӣ ва ҳунарҳои мардумӣ” Донишгоҳи давлатии тиҷорати Тоҷикистон ҷойи якум, дар номинатсияи “Нақшаи беҳтарини сайёҳӣ” донишҷӯи курси 1-уми ихтисоси менеҷменти донишгоҳ Нурматова Шукрона Ҷамшедовна сазовори ҷойи дуюм ва барои иштироки фаъолона ба донишгоҳ Сипосномаи Кумитаи рушди сайёҳии назди Ҳукумати Ҷумҳурии Тоҷикистон супорида шуд.