Дар муассисаи давлатии “Боғи Ирам” рӯзи 10-уми апрели соли 2021 бахшида ба 30-солагии Истиқлолияти давлатии Ҷумҳурии Тоҷикистон озмуни ҷумҳуриявии “Кадбонуи беҳтарин” баргузор гардид.

Дар озмун донишҷӯдухтарони Донишгоҳи давлатии тиҷорати Тоҷикистон фаъолона иштирок намуда, ҳунари волои кадбонугии хешро ҷиҳати тайёр намудани суманаки чанголӣ, пухтани нони чапотӣ, нони гирдача, кулча, фатир, хӯрокҳои миллии наврузӣ, аз ҷумла далда, шакароб, фатирмаска нишон дода, сазовори баҳои баланди ҳайати комиссия гардида, бо Сипосномаи Кумитаи кор бо занон ва оилаи назди Ҳукумати Ҷумҳурии Тоҷикистон сарфароз гардонида шуданд.

Шуъбаи табъу нашр