Ба диққати донишҷӯёни курсҳои 2-юм, 3-юм ва магистрантони ДДТТ расонида мешавад, ки Донишгоҳи Пизаи Италия дар доираи лоиҳаи Эразмус+ имконияти таҳсилро барои донишҷӯёни донишгоҳ ба тариқи онлайн дар нимсолаи дуюми соли таҳсили 2020-2021 пешниҳод менамояд. Инчунин, барои донишҷӯён дар давоми нимсолаи дуюми таҳсили зикршуда илова ба фанҳои тахассусӣ имконияти аз худ намудани забони итолиёвӣ низ мавҷуд аст.
Ин табодули ғайрибурсиявӣ (zero-grant mobillty) буда, донишҷӯён баъди анҷоми таҳсил соҳиби сертификат аз ҷониби Донишгоҳи Пизаи Италия мегарданд.
Барои иштирок, ҳуҷҷатҳои зеринро пешниҳод намоед:
- Варақаи баҳоҳо (транскрипт).
- Сертификати забони англисӣ.
- CV (намуна замима шудааст).
- Нусхаи шиносномаҳои миллӣ ва хориҷӣ.
- Сертификатҳо ва шаҳодатномаҳо (ихтиёрӣ).
Инчунин, варақаи Declaration of Interest-ро пур намуда, бо дигар ҳуҷҷатҳо ба шуъбаи ҳамкориҳои байналмилалӣ, татбиқи лоиҳаҳо ва табодули академии ДДТТ воқеъ дар бинои 1-ум, утоқи 107 то санаи 08.02.2021 пешниҳод намоед.
Барои маълумоти иловагӣ ба шуъбаи ҳамкориҳои байналмилалӣ, татбиқи лоиҳаҳо ва табодули академӣ муроҷиат намоед.